» Архив материалов » №47

Молитвы Святым Архангелам Божиим на каждый день недели

Понедельник
══════════Архангелу Михаилу
О великий и пречудный Архистратиже Божий Михаиле, предводителю воинств небесных и победителю демонов! Победи и сокруши всех врагов наших, видимых же и невидимых, и умоли Господа Вседержителя, да спасет и сохранит нас от всех скорбей и напастей, и от всякой болезни, и от напрасныя смерти. О великий Архангеле Божий Михаиле, огради молниеносным мечом твоим страну нашу Российскую и православныя люди ея от всякого врага и супостата, и испроси нам у Бога дух истиннаго покаяния и сокрушения о грехах наших, да спасет и помилует нас Господь. И в час кончины нашея предстани нам светозарен во славе Божией, сохраняя нас от духов злобы поднебесной, да охраняемы тобою безпреткновенно достигнем селений райских и воспоем в радости велией и умилении Пресвятое Имя Отца и Сына и Святаго Духа, ныне и присно и во веки веков. Аминь.

Вторник
══════════Архангелу Гавриилу
О великий Архистратиже Божий Гаврииле, ты еси благовеститель Пречистой Деве Марии зачатия Сына Божия и святого Успения Ея. Возвести и мне день страшный моея смерти и умоли Господа Бога за грешную мою душу, да простит Господь грехи мои и не удержат меня диаволы на мытарствах за грехи мои. О великий Архангеле Гаврииле, сохрани меня от всех бед и тяжкой болезни, ныне и присно и во веки веков. Аминь.

Среда
Архангелу Рафаилу
О великий Архистратиже Божий Архангеле Рафаиле ≈ и врач, и целитель, руководствуй меня ко спасению и исцели все болезни мои, вознеси молитвы ко престолу Божию и умоли Его благоутробие за грешную мою душу, да простит меня Господь и сохранит от всех врагов моих и от злых человек, ныне и присно и во веки веков. Аминь.

Четверг
Архангелу Уриилу
Архистратиже Божий Архангеле Урииле, ты еси сияние огня Божественного и просветитель помраченных грехами. Просвети ум мой, сердце мое, волю мою силою Святаго Духа и настави меня на путь покаяния и умоли Господа Бога, да избавит меня от ада преисподняго и от врагов видимых и невидимых, ныне и присно и во веки веков. Аминь.

Пятница
══════════Архангелу Селафиилу
Архангеле Божий Селафииле, ты молиши Бога за людей верующих. Умоли Его благоутробие и за меня грешную да избавит меня Господь от всех бед и скорбей, и от болезней, и от напрасныя смерти, и от муки вечныя и сподобит меня Господь Царствия Небесного со всеми святыми во веки веков. Аминь.

Суббота
══════════Архангелу Иегудиилу
О великий Архистратиже Божий Архангеле Иегудииле, ты еси ревностный защитник Славы Божией, ты возбуждаешь прославлять Пресвятую Троицу! Пробуди и меня, ленивого, славити Отца и Сына и Святаго Духа и умоли Господа Вседержителя, да созиждет во мне сердце чисто и дух прав обновит во утробе моей и Духом Владычним утвердит меня поклонятися Богу Духом и Истиною: Отцу и Сыну и Святому Духу ныне и присно и во веки веков. Аминь.

Воскресенье
══════════Архангелу Варахиилу
Архистратиже Божий Архангеле Варахииле, предстоя Престолу Славы Божией и от Тоя принося благословение на дома наша и на нивы наша. Да благословит Господь от Сиона и от горы святыя Своея и умножит изобилие плодов земных и подаст нам здравие и спасение, и на врагов победу и одоление, и сохранит нас на многия лета, ныне и присно и во веки веков. Аминь.





Архив номеров: 31, 32, 33, 34, 35, 37, 40, 41, 43, 44, 45, 46, 47, 48, 49, 50, 51, 52, 53, 54, 56, 57, 58, 59, 60, 61, 62, 63.

Нам пишут | Разное.


© Русский Восток Почта